Mata pa pone den Potchi

E uniko mata cu a wordo crea pa pone den potchi ta mala jerba. Esei ta loke mi a lesa un biaha den un buki y e ta verdad.
Pa cria mata pa pone den potchi no ta fácil, hopi mata ta resisti potchi, pasobra potchi no ta algo natural pa nan. Un mata su reis kier expande for di e mata e no kier bira rond y rond di su mes manera un caballito. Además e tera ta compacta tur día mas, mas reis, menos luga pa reis nobo hanja luga.. Un di e elementonan mas importante pa un mata ta keda oxigeno y lugar pa e wordo warda, y esei ta e espaconan cu tin den e tera cu hopi biaha e tin cu bai comparti cu awa, otro elemento indispensable. E mata mester di cuminda tambe; den forma di mineral y ta jega un momento cu  emta mester mas cantidad  y no ta posible pa duna e mata sin kime. Den otro palabra e mata ta bai hanja falta di vitamina. Dado momento e mata ta pashuma, manera nos sa bisa na papiamento. 

 

Mas cu un biaha mi a bisa cu nos por compara mata cu hende, verdad? E comparashon ta di sera un hende den un camber chikito desde chikito y no lague sali y dune mesun cantidad di cuminda cu a cuminsa tempo e ta chikito. Ora nos bira grandi nos mester espacio, mas cuminda mas caminda pa bai, sinja y expande.

Awor t’asina cu tin mata ta mas adaptable pa potchi cu otro, pa un manera of otro. Tin mata manera cierto”mata di cas”  ta bai basta bon den potchi. Cierto palma manera Raphis enano, Orchidea, “Yesterday Today & Tomorrow”, Tabernamontana, Adenium (Desert Rose), Ficus, Aglonema, Roebellini. Pero cierto mata manera Chinese fan palm no gusta ta potchi. Pero un cos ta sigur tur di nan mester “cuido intensivo”.

Kiko nos po hasi pa yudanan?

Na prome luga e tera ta di sumo importancia. Un tera ideal ta uno cu ta laga e awa pasa, e ta laga e raiznan penetra, e tin luga pa almacena awa y aire (oxigeno). E tin capacidad pa wanta nutriente y e no tin enfermedad.  Y por ultimo e no pa bira manera un corki unavez e seka, den otro palabra e ta re-absorbe awa después di a seka.

Un di e miho teranan cu tabatin tempo aya, un generashon atrás tabata tera di wtapana, e único desventaha cu hopi biaha e tabatin malesa. Desafortunadamente hendenan sin sa a bai cu tur y a danja tambe e balanse di ecologia, pasobta e teranan aki tabata sirbi pa wanta e awa di jobida pa e watapananan.

Den nos afan pa produci e miho matanan di Aruba incansablemente nos a busca y purba casi tur tera cu por a hanja y a bin conclui cu e mihornan ta Metro mix y e Aruba-Mix cu ta wodo traha especialmente pa Fantastic Gardens. Mi mes tin mi preferencia, mi ta asina imparcial cu majoria biaha mi ta mesclanan y dependiendo si e mata mester di mas acidez mi ta agrega Peat Moss.

Pa sigui e tema di con pa yuda nos matanan di potchi pasa nan bida den e prison di e potchi ta di duna nan un banjo. Hopi biaha nos tin un mata den un potchi y esei den un scotter, y e tera no ta hanja un bon laba. Kiko ta socede? Después di tempo ta cria un mata asina salonan pa varios motivo ta acumula den e potchi y e randnan di e blaachinan ta cuminsa kima. Pa evita esaki kita su scotter por lo menos cada 2 siman y dune un bon banjo y laga tur e awa exceso sali.

Cambia e potchi pa uno mas grandi ora e mata bira mucho grandi pe. Cuidadosamente los tur e raiznan cu ta lora rond, posibelmente kita un paar y door di corta nan cu un sker di mata, y pone bon tera den e potchi nobo, y pres e tera nobo pa e raiznan coi bon contact cu e tera. No dere mas hundo cu e tabata, si no tabatin raiznan exponi.

Otro cos cu nos por hasi ta “bonsifica” bo mata, un termino cu mi a inventa; trate manera un bonsai. Sake di e potchi sacudi e tera bieuw un poco, corta basta raiz grandi cuidadosamente y pone bek cu tera fresco, snoei e regularmente y sigui e mesun procedura cu e paragrafo anterior.

Un cos hopi importante pa corda cu e methodo aki ta cu  emata ta bai rekeri mas biaha pa día pa bo muhe.

Duna bo matanan di potchi suficiente luz. Luz ta un factor grandi pa mata sigui crece. Tin mata cu por cu menos, pero ningun por sin luz.

Un paar di cos pa no hasi:

Un cos pa bo nunca hasi ta pone piedra den bom. Hasiendo esaki bo no ta yuda elimina awa, sino bo ta hasi e espacio di tera, cu e mata mester asina tanto, menos. Además e mata mester di e awa.

No laga bo matanan ta drief den awa. Sa tin potchi di adorno cu no tin buraco den bom. No planta directamente den nan; si no usanan pa pone mata cu potchi den nan pa bo por inspeciona si e mata tin mucho awa of no. Corda cu ora bo mata ta “drief” den awa e no por hanja oxigeno, pasobra ta awa ta ocupa e espacionan cu aire mester di dje. A menos cu bo ta cultivando un mata aquatico, manera Cyperus, lotus, rabo di cabai of algo similar.

NO LUBIDA DI DUNA FERTILISANTE. Corda cu mata no por biba di awa so. Pasa na un di  e Fantastic Gardens pa nos amantenan di mata splicabo cua pa usa.

Por ultimo duna bo mata un poco di cariño y constiniudad. No stima nan awe y lubidana manjan. Corda nan no ta mucho diferente cu hende.

Mi no ta bai cansa di sera mi articulonan door di avisa di check pa awa para rond di cas, muy en especial awa para cu ta keda den sombra, unda e maldito sangura di Dengue por broei.

Pa conclui mi kier a participa cu mi ta bolbe cuminsa mi lesnan otro luna día 15, 17, 22, 24, 29 y 31 di JAugustus . Inscribi via email This email address is being protected from spambots. You need JavaScript enabled to view it. . Tambe ta bon bini na FANTASTIC GARDENS ARUBA N.V. na Bushir 14. Hacie mesora pasobar spacio ta limita.

This email address is being protected from spambots. You need JavaScript enabled to view it.