ONLY FOR HIM - Mata di fruta

O.k. mi sa cu tambe ta bai tin hende muhe ta bai  lesa e articulo aki, pero hende homber ta nos cliente di mata di fruta, “bij uitstek”.

Den e temponan aki nos tin un gran surtido di mata di fruta. Y mi kier djies menshona un paar di tips pa deleita bo interes.  Lo kier mi kier trese dilanti ta con pa cuidanan y con pa mantene mata di fruta.

Na prome luga cada mata di fruta mester e luga adecua pa su mes. Pero cuanto? Prome cos; si bo ta bai planta un mata di mango, mira den cura di otro con grandi nan ta bira y esei ta e espacio cu nan mester. E topnan no mag di mishi cu e topnan di otro mata, esei ta un rule of thumb; of un regla di oro.

Pero si bo coi un mata di mango inherta, kizas e mester menos espacio, como ¾ pa mitar. Un mata di sorsaca of uno di guyaba, no ta krece mucho grandi: e mester menos luga.
Den un kunuku di mata di mango of otro fruta ta hopi simple, cada mata ta wordo poni netjes den rij, y e rij unda e tractor y machin mester pasa ta mas hancho pa asina agilisa trabow. Pesei planea bo hofie di fruta cuidadosamente. Corda cu aki na Aruba, hopi biaha nos tera no ta dje fertil y awa ta scaars, kier men mas luga e mata mester en comparashon, si otro banda matanan di fruta, cu excepshon, no ta bira asina grandi manera otro pais cu tin bon tera y un clima mas favorable.
Mesora mi mester pensa riba nos hermana isla Korsou, cu ta asina serca y asina diferente, fertil y terenonan hundo y hopi bon awa bow tera.

Cuido di mata di fruta ta diferente cu cada tipo di fruta. Tin mata di fruta cu no ta rekeri mucho snoeiment y otro si.  Pero tur mester cuido adekua.

Pa cuminsa, bo mester sa den ki tera bo ta planta. Si bo planta den e teranan dushi di sierto parti di Savaneta, bo ta bendishona. E teranan ta hundo y suave. Si bo planta den areanan manera Bubali, unda tin teranan sumamente sera cu klei pisa, of canti laman unda tin hopi skerpi, prepara pa coba buraco hundo. Pues check ki sorto di tera tin.

Un mata di fruta semper lo agradecebo y duna miho resultado si bo cuminse bon, cu un bon buraco y tera bon. Si bo ta den un area unda cu tin bon tera, bo por usa e tera cu bo a saca di e buraco cu bo a coba, y mezcle cu material organico, manera compost di blaachi biew, mest y tambe peat moss, of pot grond. Importante ta pa coba un buraco bon pa dune e impulse. Lo ta bon  pa usa un poco super fosfaat of un fertilizante cu valor halto den fosfor y of Kalium.

Stens e mata bon, cu un palo bon y fuerte cu un punta, pa clabe bon den tera. Asina e mata ta crese mas strét posible.

Awor, corda duna e mata fertilizante cada tres luna, no cantidadnan grandi, pero constant cada tres luna y sigun e mata bira mas grandi, snoei e pa e coi forma, y pa no lage crese unda y con e kier pero con bo kier.  Pone mest organico rond di dje ora e bira grandi y tene su “pia” freso door di pone mulch of blaachi putri (compost di blaachi)
Ta di suma importancia pa lesa literatura di bo mata di fruta. Nos tin hopi boeki den nos bibliotheek, pero tambe internet ta un fuente inagotable di informashon. Semper y cuando bo tene cuenta cu Aruba su clima y circumstancia. Asina ta purba di lesa e articulonan cu ta pa mas o mesnos nos klima.

Awa: E mihor manera pa dune awa ta via un sistema di drip. Tin hopi aplicashon pa mata di fruta, mabera flooders, drippers y mini spayers.

Biento: Biento ta un di nos enemigonan mas grandi. Tin hardin of parti di nan, cu ta expuesto di hopi biento. Semper ta un bon cos pa proteha bo mata di fruta contra di biento.

Si bo ta kere cu ta tempo pa bo mata pari, pero e no a pari…cordando cu matanan inherta (grafted, of geënt) ta pari dentro di dos pa tres anja, lo nos tin su solushon. 

Mi ta inclui un foto di e famoso guava berry, miho conoci como Jaboticaba na Latino-America. Recientemente nos a cuminsa propaga mata di banana y papaya enano. En total nos tin 6 differente banana dwarf manera Cavendish, Goldfinger, Sumatrana Zebrina Cora, Gran Nain, Truly Tini y African Rhino. Bin cumpra di bo y asina disfruta di un variacion di fruta den bo jardin.
Pa un lista extenso di nos inventario di mata di fruta favor mira den nos pagina web cu nos Plantfinder, of skibimi.

www.fantasticgardensaruba.com
This email address is being protected from spambots. You need JavaScript enabled to view it.